عشان ما توهش فى أى حدوتة تاريخية لازم تحط ليها برواز أو هوامش عشان تعرف من البداية والنهاية ثم تبدأ فى العوم فى التفاصيل الصغيرة
أخواتها بطلميوس الثالث عشر أخوها وشريكها فى الحكم وجوزها
بطلميوس الرابع عشر أخوها وشريكها فى الحكم و جوزها
كان عندها أخت أسمها أرسينوي الرابعة ( أرسينوي كان أسم بطلمي شهير هو و برنيكي )
ولادها بطلميوس الخامس عشر (قيصرون) ابنها من يوليوس قيصر
كمان كان عندها ٣ ولاد من ماركوس انطونيوس
ولد وبنت تؤام و ولد أصغر
اليكسندر هيليوس (الشمس)
كليوبترا سيلينا (القمر )
بطلميوس ده الصغير
يعنى الرجالة فى حياة كليوبترا ٨
بطلميوس ١٢ أبوها
بطلميوس ١٣ اخوها وجوزها وشريكها فى الحكم
بطلميوس ١٤ أخوها وجوزها وشريكها فى الحكم
بطلميوس ١٥ أبنها من يوليوس قيصر (قيصرون)
يوليوس قيصر (جوزها كده و كده)
ماركوس أنطونيوس (حبيبها وجوزها)
اليكسندر أبنها من ماركوس انطونيوس
بطلميوس أبنها من ماركوس أنطونيوس
التفاصيل بقى حدوتة كبيرة قوى
يوليوس قيصر أتخان و أتقتل
بومبيوس أتخان واتقتل فى أسكندرية
اوكتافيوس ورث يوليوس قيصر باين كان أبنه ولا أبنه بالتبنى
ماركوس انطونيوس أنتقم من قتلة يوليوس قيصر
كيلوبترا قتلت اخواتها بطليموس ١٣ و ١٤ وأرسينوى أو على الأقل شاركت فى قتلهم
طبعا هى مجرد معلومات عابرة أنما إللى دارس بجد التاريخ اليونانى الرومانى حيعرف تفاصيل كتيرة قوى فى الحدوتة
ليست هناك تعليقات:
إرسال تعليق