لمصلحتك عند شراء سيارة مستعملة

 بالنسبة لموضوع السيارات المستعملة لازم اللي بيشتري مايسمحش لحد يستغله اللي بيبيع خد خير العربية وأكيد عايز يجدد ماتسمحش ليه انه يستغل الوضع العام دلوقتي وحاجتنا لوسيلة مواصلات.. كام نقطة مهمة اللي بيشتري لازم يخلي باله جدا:-

ماتشتريش عربيات استخدمت تقريبآ ربع قرن مايعادل ٢٤ سنة مهما كان سعرها اشتري مثلا حاجات في المعقول من ٢٠٠٩ وطالع عدا كده انتا بتشتري معدن

٠ماركات احذر شرائها وحنوضح ليه:-

١-شيفروليه لانوس..هيكل و خامات ضعيفة ورديئة جدا

٢_رينو سيمبل ولوجان اصدارات ٢٠١٠ ومايسبقها صيانتها مكلفة جدآ  ولو مشكلة عادية مش أي فني يفهم فيها واستهلاك بنزين مكلف والاسوأ فلتر البنزين بيحتاج يتغير على فترات متقاربة 

٣_اوبل كورسا واوبل استرا ممكن اكيد تفكر ان دول صناعة الماني لكن لأ دول تم انتاجهم في البرازيل ودول أخرى ..قطع غيارهم صعبة ومكلفة ومش متداولة

٣_فيات بيترا وسينيا من٢٠٠٩ومايسبقها حرفيآ ليس لها اي سوق نهائي في مصر رغم جودة خاماتها واعتمادية المحرك ولكنها خسارة فادحة في اعادة البيع وعدم توافر قطع الغيار

٤_شاهين ولادا وسوزوكي ماروتي وسكودا فيليشياوالسيارات الصينية بأنواعها ملهاش أي قيمة وهتخسر في اعادة البيع فالأفضل تجيب حاجة كويسة ولو هتستنى شوية لانك هتشتري واما تركب هتندم وهتبيع حتخسر ومش هتعرف تجيب سيارة كويسة

٥_سيارة هيونداي فيرنا النماذج القديمة قي السوق المصري  رغم شعبيتها الا ان هيكلها ضعيف جدآ يعني دي تستخدم تنقلات محلية فقط اما طرق سريعة أو شغلك بيحتم عليك السفر من محافظة الى أخرى مع السرعة العالية يفقد القائد السيطرة على المركبة وده هيتسبب بحوادث وده ظهر في كذا حالة ربنا يحفظ الجميع

///في حالة لقيت سيارة ورايح تشتريها كام حاجة تخلي بالك منها عشان ماتتدبسش والمستعمل معروف لا يرد ولا يستبدل فنخلي بالنا كويس من الحاجات دي:-

١_اي سيارة لازم يكون عدادها ١٥٠ الف او١٧٠الف على الاكتر وده اذا كانت العربية عجباك ومميزاتها كتيرة اي عربية ماتورها تعدا الحد ده وتحديداً ٢٠٠الف كيلو خلاص انتا بتشتري ماتور منتهي كل شوية تصليح

٢_اي سيارة تم العبث بدواخلها تحت أي ظرف حتى ولو بحجة التطوير والتحسين ماتور متغير تحديدآ ابعد عنها فورا السيارة ماهي الى محرك ونقطة تانية اي تبديل في محرك وماتور السيارة هيعملك مشكلة في المرور إذا لم يكن المالك السابق سجله وغالبآ مابيكونش متسجل..فتيس متغير او تم تحويل السيارة من مانول الى اتوماتيك لو متخصص عملها عادي لكن عن تجربة ناس كتير أكتر اللي بيعملوا القلبة دي غير متخصصين واصحاب السيارات دول ندموا.. تم العبث بكهرباء السيارة الداخلية ابعد عنها فورا

٣_اي سيارة رخصتها منتهية اما ان صاحبها تعب من مشاكلها وعايز يخلص او كانت مركونة وبأي حال انتا اكيد عايز تركب وقتي فلازم وجود رخصة سارية ولو على الاقل ٦شهور لانك استنفدت اموالك في شراء السيارة وعشان لا تتم مصادرتها من قبل المرور أي كمين محتاج رخصة سارية للسيارة 

٤_اي سيارة معروضة بملاحظات في الدواخل بمعنى البائع بيقولك التكييف عطلان وانتا بس اشحنه محتاج فريون تشتري على هذا الاساس تلاقي نفسك بتغير تكييف..اضاءة مثلا ونفترض اشارات ماتعرفش هل هوا عطل خفيف زي لمبة بتتبدل او قصة كهربا..اي حاجة ولو فكرتها تافهة..عفش العربية والصالون هيقولك جدده عادي لو متهالك قبل ماتشتري تاخد البائع وتشوف سعر الصالون هيكلفك كام وتنزل من سعر العربية عشان تقدر بعدين تجدده

٥_نقطة مهمة جدا السيارات التي تم تركيب غاز فيها ابعد عنها فورا الماتور انتهى وتآكل من الداخل غالبية اللي بيعملوا الحركة دي بتكون في سيارات تاكسي كده كده هيا بتدخل فلوس وهوا عايز يوفر هيشغلها ويصلح فيها وهوا كسبان وده حقيقي ونادراً ماتقلى حد ركب غاز استخدام شخصي الا وكان مفكر انه بيوفر البنزين لكنه تسبب بدمار المحرك 

٦_اي سيارة مغيرة قطع خارجية سقف او شنطة او شنب او مغيرة ربع وما الى ذلك ابعد عنها فورا لسببين اولا اعادة البيع والتجديد هتخسر فيها جامد وثانيآ وده الاهم توازن السيارة يعتبر معدوم وخطر على السائق وتكون معرضة أكثر شيء للحوادث 

٧_حاول على قدر المستطاع تلاقي عربية في محافظتك عشان يكون سهل تنقل ملكيتها 

٨_ الشراء بعقد مسجل في الشهر العقاري ومن عدمه توكيلات

٩_يفضل الشراء من مالك اول من الزيرو بمعنى ان العربية واحد اشتراها جديدة وحب يجدد وده اضمنلك من عربية راحت هنا وهنا وبردوه ده مايعبش عربية اتباعت اكتر من مرة بس ده الافضل

١٠ _ السيارات بمحرك اقل من ١٥٠٠ سي سي شغالة لكن التكييف والتبريد هيكون ضعيف لو مسافات بعيدة بلاشها

١١_كتير بيدعوا انهم سياراتهم ذوي همم او وارد خليجي مع ان سيارات ذوي الهمم لازم تكون اتوماتيك او بيدعوا انها وارد خليجي او اوروبي وخلافه لازم اثبات سواء الرخصة او جواب الافراج

وفي النهاية لا بد من الكشف الكامل على السيارة عند مركز فحص معتمد وعدم الاكتفاء بالفحص المبدأي الذي يقوم به الفني أو الميكانيكي انتا محتاج تتطمن بشكل كامل وخصوصا أسفل منطقة الكراسي 

وفي النهاية انسخ وشير الكلام ده يمكن تساعد حد يتفادا خسارة فلوس او يقع في فخ لا قدر الله