نصيحة مهمه لاي حد بيجهز عروسه وهيشتري اجهزه

  

  

التلاجات:

• أفضل الخيارات: شارب - توشيبا - تورنيدو - فريش

• كلها بضمان يغطي الجمهورية.

• لو بتدور على ماركات عالمية، تأكد من الاتصال بأرقام الضمان الموجودة على الكرتونة، واسأل عن أقرب مركز صيانة لمنطقتك. لو المركز بعيد، خليه في آخر اختياراتك.

الغسالات:

• الأوتوماتيك: شارب - LG - سامسونج.

• الفوق أوتوماتيك: شارب - توشيبا - فريش، ضمانهم وقطع غيارهم الأفضل.

السخانات:

• الغاز: تورنيدو - أوليمبيك - فريش - أريستون، لكن الأفضل تخلي أريستون في آخر اختياراتك لأن ضمان الباقيين أقوى.

• الكهرباء: تورنيدو (اختار الحلة الاستانلس مش العادي)، وأيضًا أوليمبيك وفريش خيارات كويسة.

الفريزرات:

• الإدراج: توشيبا - فريش - شارب - LG.

• الصندوق: كريازي (أغلى لكنه الأفضل)، أما ألاسكا وفريش كويسين لكن ما ينفعش فصلهم لفترة طويلة (أكتر من أسبوعين).

المراوح:

• السقف: تورنيدو - حجازي - فريش.

• العمود: فريش - تورنيدو.

الشاشات:

• LG - سامسونج - توشيبا - شارب، وLG الأفضل.

أجهزة المطبخ:

• الخلاط: براون - كينود - مولينكس (تأكد أنه أصلي) - تورنيدو خيار جيد.

• الكبة: تورنيدو - كينود - براون - سوكاني - بلاك أند ديكر (وتأكد أنها أصلية).

• الشفاط: توشيبا الأفضل، يليه فريش وأوليمبيك.

• البوتاجاز: رويال - لاجيرمانيا - زانوسي - فريش.

• الفلتر: تانك خيار ممتاز.

• العجان: رافال - تورنيدو.

• المكنسة: باناسونيك الأفضل، بعدها سامسونج - هوفر.

• القلاية الهوائية: فيليبس الأفضل، يليها تورنيدو.

• المكواة: باناسونيك - تورنيدو (خلي بالك من التقليد).

• الميكروويف: شارب - فريش.

• المبرد: تورنيدو - كولدير، ويفضل اللي قارورته من فوق لأنه أفضل عمليًا.

نصائح مهمة:

تأكد من الرقم التسلسلي (Serial Number) للجهاز واتصل برقم الضمان للتأكد أنه أصلي. لو مفيش رقم وسيريال على الكرتونة، غالبًا الجهاز مقلد.

لو هتشتري أجهزة من الخارج: لازم يكون التردد 50Hz أو 50/60Hz، لو مكتوب 60Hz فقط ما تشتريهوش.

تأكد أن الموديل اللي هتشتريه موجود في مصر عشان تلاقي له قطع غيار بسهولة.

قدرة الجهاز (الواط) تكون عالية أو متوسطة، ومتجبش أقل حاجة عشان يكون أداء الجهاز قوي وتلاقي له صيانة وقطع غيار بسهولة.

ملحوظة: مش كل الأجهزة الجيدة مذكورة هنا، ومش كل المذكور هنا هو الأفضل، تجاربكم تفيد غيركم!