قصة بطل 
طالما بتحبوا الحواديت التاريخية ححكيلكم الحدوتة التاريخية الحقيقية لبطل حقيقى مش زعيم الحشاشين
دى الحدوته التاريخية الحقيقية لصلاح الدين الايوبى محرر القدس زى محكاها ابن الاثير وابن شداد المؤرخين العرب اللى عاصرو صلاح الدين ادينى قولت المصادر
صلاح الدين الأيوبي ( قصة بطل )
أغلب الناس معلوماتها عن صلاح الدين جاية من فيلم صلاح الدين إللى كله مغالطات تاريخية
عايز تعرف قصة صلاح الدين الايوبى الحقيقية
انا ححكيهالك ببساطة من كتاب المؤرخ اللى عاصر صلاح الدين الايوبى المؤرخ اسمه ابن الاثير
لو مهتم تعرف التاريخ الحقيقى ممكن تقراء
______________________________________________
صلاح الدين الايوبى هو
الملك الناصر أبو المظفر صلاح الدين والدنيا يوسف بن أيوب بن شاذي بن مروان بن يعقوب الدُويني التكريت
صلاح الدين لقب
ولد فى كردستان العراق و عندما بلغ سن 16 سنة رحل هو وأبوه ومعه وأخوه إلى الشام فى حلب التى كان يحكمها الملك تركى الأصل عماد الدين زنكى مؤسس الدولة الزكية
يبقى كده نجم الدين أيوب أبو صلاح الدين
أسد الدين شركوه عم صلاح الدين
الملك العادل أخو صلاح الدين بس لسه مكانش ملك
كلهم راحو عند عماد الدين زنكى اللى توسم الخير فى صلاح الدين وعمله كاءبنه نور الدين محمود زنكى
المهم مات أبو صلاح الدين وفى الوقت ده الدولة الفاطمية كانت فى اخر أيامها فى مصر وكان حلم عماد الدين زنكى السنى و الحاكم باسم الخليفة العباسى انه يرجع مصر للخلافة العباسية ويرجها سنية
فارسل أسد الدين شركوه بجيش إلى مصر وكل مرة يحاول الجيش يدخل كان الخليفة الفاطمي آخر خليفة يستعين بالصليبين فى الشام 3 مرات يحاول الجيش يدخل ومايعرفش إنما فى المرة الرابعة دخل مصر وكان صلاح الدين فى قلب الجيش بعد 6 شهور مات أسد الدين شركوه وتولى صلاح الدين حكم مصر وهو عنده 28 سنة وعامل أهل مصر بكل عدل وطيبة وكان معه قائد كبير اسمه بهاء الدين قراقوش ايوه بتاع حكم قراقوش عارفين الحكم ده ايه انهم احتارو يعملو ايه فى الخليفة الفاطمي و عائلته يعدموهم زى مكان سائد فى العصر ده المنتصر يقتل المنهزم ولا يعملو ايه فجاء بهاء الدين قراقوش بحكم غريب انه يقعد الرجالة فى قصر والستات فى قصر لحد ما يتوفاهم الله بس مايتقبلوش عشان مايجبوش عيال و بكده تنتهى الأسرة الفاطمية من غير عيال المصريين لما سمعوا الحكم ده استغربوا وضحكوا واطلقوا عليه حكم قراقوش
وكده رجعت مصر سنية وقفل الأزهر 100 سنة لأنه كان بينشر المذهب الشيعى و رجت مساجد مصر بالدعاء للرسول و الخلفاء الراشدين وزوجات الرسول و للخليفة العباسى
بعد أن استقر الحكم لصلاح الدين الايوبى فى مصر توجه إلى النوبة والسودان وضمها إلى مصر ثم بعد ذالك اخد الجيش بناء على طلب الخليفة العباسى وطلع على اليمن عشان الشيعة هناك اعلنوا دولة شيعية وهو رايح على اليمن ضم الحجاز لمصر و بعدين ضم اليمن لمصر
ولكن فى هذا الوقت توفى نور الدين محمود زنكى وابنه كان طفل صغير و الوصى على العرش كان بيتحالف مع الصليبين فى الامارات الصليبية فى ساحل الشام
صلاح الدين أخد الجيش الأول وطلع على الشام دمشق وحلب و اتجوز مرات نور الدين محمود وثبت ابنها على حكم حلب وقعد ياخد إمارة إمارة من الإمارات الصليبية و هنا تجمع ملوك الإمارات الصليبية فى جيش كبير ووقعت أشهر موقعة وهى موقعة حطين الذى انهزمت فيها الجيوش الصليبية وبات الطريق للقدس مفتوحا حاصرها 6 شهور إلى أن سلموها له بشرط تطبيق العهدة العمرية التى أعطاها لهم الخليفة العادل عمر بن الخطاب
ايه ده ياعم آمال فين فرجينيا وريتشارد والعوام والكلام الكبير ده
لا كل دول لسه مظهروش موقعة حطين قبل الكلام ده كله أصبر حتعرف وعلى فكرة وإلى عكا مكانش خاين عارفين كان مين بهاء الدين قراقوش ايوه بتاع حكم قراقوش
نيجى بقى للجزء بتاع الفيلم
ده بقى الجزء بتاع الفيلم وتزوير التاريخ لخدمة أهداف معينة تقريبا نص الفلم هجص
بعد أن سقطت القدس انقلبت أوربا وأعلن بابا روما جريجور الثامن الحملة الصليبية الثالثة والتى أطلق عليها حملة الملوك وطبعا أطلق حملة صكوك الغفران اللى حيحارب حبيبى وصاحبى فحنديله صك من البابا انه تم غفران ذنوبه يعنى بقى ابيض وده اللى خلى ناس كتير فى أوربا تدخل فى الجيوش
طب نتكلم عن أهم 3 ملوك شاركو فى الحملة
اول واحد هو فريدريك بارباروسا ملك ألمانيا أو بروسيا
ده اخد الجيش وقالك انا رايح عن طريق البر وهزم جيوش سلاجقة الروم المسلمين ودخل على ارمنيا وهو بيعدى النهر غرق ومات وهنا انقسم الجيش الجيرمانى جزئين جزء رجع إلى بلاده وجزء كمل مع ابن الملك على القدس
ثانى واحد عمر الحريرى
سورى معلش فليب اوجست ملك فرنسا وده كان عايز كنوز الشرق وكان صديق لريتشارد وكان عايز ينول رضا البابا
ثالث واحد بقى الزغلول الكبير انه يأكل خروفين على العشاء
الملك ريتشارد قلب الاسد
أولا الملك ريتشارد مكانش بيتكلم انجليزى كويس لأنه اتربى فى فرنسا مقالنا كان صاحب عمر الحريرى لكن لما رجع على انجلترا انقلب على أبوه وشاله من العرش وقعد مكانه
ايه ده كمان منقلب ايوه فكان عايز ياخد الشرعية من البابا لو هو انضم للحملة
المهم المعلم ريتشارد كان عنده مشكلة تانية ذنب كبير عايز ليها حل البابا قاله عشان تاخد المغفرة عن الذنب ده لازم فى الكنيسة فى القدس عشان الذنب تقيل
ايه ياعم الذنب التقيل ده
الحقيقة كان أستغفر الله العظيم مثلي الجنس
ايوة رمبو
لا ماتقولش والله مش باقولك كان مصاحب عمر الحريرى أقصد فيليب أغسطس
رمبو ويأكل خروفين على العشاء ياعم باقولك الفيلم هجص
المهم يأمعلم فيليب أغسطس وريتشارد قالك لا احنا نأخذ الأسطول ونطلع على القدس وراح واخد معاه الأسرة المالكة كلها وكمان أخد خطيبته
خطيبته مين ياعم ده كان متجوز ليلى طاهر لا هو كان خاطب بس قلتلك رمبو
عارفين اسم خطيبته ايه برنجينيا ايوه والله لا كان فيه فرجينيا جميلة الجميلات ولا كان فيه نادية لطفى
المهم وهما رايحين عدو على صقلية عشان أخت ريتشارد كانت متجوزة ملك صقلية والملك مات وعملوا انقلاب على أخت ريتشارد وسجنوها فراح رايح عطيهم علقة وطلع أخته واخد صقلية
وهو فى الطريق عدى على قبرص واخدها فى طريقه ثم توجه إلى عكا اللى كان حاكمها هو بهاء الدين قراقوش اللى مرداش يسلم المدينة رغم الحصار
وهنا طلع بطل آخر هو حسام الدين لؤلؤ قائد الأسطول الاسلامى التابع للخلافة الإسلامية العباسية يعنى مش تبع صلاح الدين وكان الأسطول فيه كل الجنسيات مغاربة وشوام واتراك وبربر وكان بيحاول يوصل الامدادات لعكا وساعات يشتبك مع السفن المحاصرة
وهنا يجب بطل آخر وهو عوام مغربى يطلق عليه عيسى يأخذ أموال وأوامر للجنود داخل عكا ويغوص بين السفن ويعوم إلى الشط ليوصلها للحاكم وعندما يصل يطلقون حمام ابيض ليقول للاسطول الاسلامى انه وصل وفى إحدى المرات اشتدت عليه الأمواج فغرق فلما تأخر إطلاق الحمام عرفوا انه مات ولكن بعد 3 أيام لفظ البحر جثمانه على الشط ووجد الناس الأموال حول وسطه و أوامر الجند فاطلقوا عليه أنه أدى الأمانة حى وميت
ايه ياعم عيسى العوام طلع مغربى مسلم ومافيش نادية لطفى و مافيش جميلة الجميلات ايه ده وريتشارد طلع استغفر الله العظيم
عكا محاصرة والاسطول الاسلامى بيحاول يوصلها الإمدادات والخليفة العباسى أعلن النفير العام وكل الأمراء المسلمين توجهوا بجيوشهم لفلسطين وكمان صلاح الدين بجيشه لكن أهل عكا كانو على وشك الموت قبل أن يصل المدد فأمر صلاح الدين بهاء الدين قراقوش بتسليم المدينة بشرط الحفاظ على سلامة أهلها وهذا ما اتفق عليه قراقوش مع ريتشارد قبل تسليم المدينة
آمال فين السلاح يامحمد خيانة خيانة و محمود المليجى
ياعم الفيلم هجص وريتشارد استغفر الله العظيم
المهم ريتشارد خان العهد ودبح 2700 واحد اللى هما الحامية بتاعة عكا
لا ياعم ده نادية لطفى قالته صلاح الدين أفرج عن الجنود وراح موقف الضرب
ياعم الكلام ده هجص ريتشارد قتل 2700 واحد و صلاح الدين لم يفرج عن الأسرى الصليبين
وفضلت الجيوش الإسلامية تحارب الجيوش الصليبية على السواحل لا ريتشارد عرف يدخل القدس و لا بعمل حاجة
طب الابراج واللعنة على الابراج واليوم ده يومك يادمشقى ياعم والله هجص
المهم المعلم عمر الحريرى قصدي فيليب اوجست زهق واتعارك مع ريتشارد واخد جنوده ورجع على فرنسا وهنا اضطر ريتشارد يعمل معاهده مع صلاح الدين برده يسمح فيها بسماح الحج للمسيحيين و حرية العبادة وطبعا راح القدس عشان ياخد المغفرة بتاعةأستغفر الله العظيم
المهم أن ريتشارد عمره ما قابل صلاح الدين اللى قابله الملك العادل أخو صلاح الدين
المهم ريتشارد وهو راجع انجلترا المركب كانت حتغرق فكمل عن طريق البر و دوق النمسا مسكه وحبسه وبعدين عطاه لملك ألمانيا لما البابا زعل ملك ألمانيا طلب فدية كبيرة أم ريتشارد عقدت تشحت من ملوك أوربا عشان تسددها
المهم الملك ريتشارد مرة وهو فى رحلة صيد اتبعه شاب اوربى ريتشارد كان قتل أهله وضرب بسهم
ايه ده مش سهم عربى مسموم لا بقولك اوربى المهم انعالج غلط وضربت فى جسمه الغرغرينا ومات
بس فضل طول حياته أستغفر الله العظيم
كل دى حقائق كتبها المؤرخون سواء عرب
زى ابن الاثير وابن شداد و كتير من المؤرخين الأجانب
يبقى الفيلم ايه ضايع يعنى ينفع يقولك ريتشارد أستغفر الله العظيم
وده التاريخ الحقيقى غير المزيف
يارب أكون قدرت أوصل المعلومة
ليست هناك تعليقات:
إرسال تعليق