روح الفكاهه في المصريين أثناء المظاهرات
نبضت قلوب الثوار بالحماس حماس شباب ذاق الالم و المرار طوال30سنة..
تفتحت عيناه على وجه مبارك فلم يجدو الامل ودارو فى فلك البطالة فكانت هتافات
ثورتهم الطاهرة سطروها بالدماء ..و اليكم بعض من هتافات ثورة ال25 ضد 30:(عمر ظلم حقبة مبارك ):
هتافات ترددت فى ثورة 25 يناير
مع اول ايام التظاهرة ردد الشباب:
"مش هانخاف مش هانطاطى احنا كرهنا الصوت الواطى"
"مش هانخاف من ابوك يا جمال...صوتنا العالى يهد جبال"
"يا حرية فينك فينك ....امن الدولة بينا وبينك"
"اللى خايف خايف ليه ...هوة فاضل لينا اية"
"على وعلى وعلى الصوت واللى هايهتف مش هايموت"
"باطل ...مجلس الشعب ...باطل...جمال مبارك...باطل....الحزب الواطى" "...باطل...حبييب العادلى...باطل...احمد عز ...باطل"
"امن الدولة يا امن الودلة ....فين الامن وفين الدولة"
"حسنى بيه ياحسنى بيه ....كيلوا العدس ب10 جنية"
"اة يا حكومة هز الوسط ....اكلتونا العيش بالقسط"
"اة يا حكومة هز الوسط ....كيلوا اللحمة بقى بالقسط"
"ياكلوا لحمة وياكلوا فراخ ...واحنا الفول دوخنا وداخ"
"واحد اتنين الشعب المصرى فين"
"يا اهلينا يا اهلينا يا اهلينا ضموا علينا"
"يا جمال قول لابوك .....شعب مصر بيكرهوك"
"اعتصام اعتصام ...حتى يسقط النظام"
"يسقط يسقط حسنى مبارك"
فى جمعة الغضب ردد ثوار 25 يناير:
"الشعب يريد اسقاط النظام"
"يا مبارك يا مبارك السعودية فى انتظارك"
"اعتصام اعتصام حتى يسقط النظام"
"التغيير والرحيل"
"ارحل ارحل يا خسيس ارحل بقى خليك حسيس"
"مبارك ...عفوا ..لقد نفذ رصيدكم"
"الرئاسة مش بالعافية ..امشى يا اخى"
"ارحل بقى ياعم خلى عندك دم"
"مالكيش دعوة يا امريكا"
"استقيل استقيل ...واحنا نحرس ارض النيل"
"يا مبارك ياجبان ياعميل الامريكان"
"حرية حرية"
"كرامة حرية عدالة اجتماعية"
"يا مبارك يا مبارك الطيارة فى انتظارك"
"ارحل ارحل"
"حكم 30 سنة في العصر .....هو إهانة للشعب مصر"
"صحي الخلق وهز الكون.. مصر بلدنا مش هتهون"
"يا أهالينا يا أهالينا.. ضمو علينا ضمو علينا"
"يا أبو دبورة ونسر وكاب.. إحنا إخواتك مش إرهاب"
"تمشى جنب الحيط.. أصل سكاتك مش هيفيد"
"الإصلاح بقي شيء مطلوب... قبل الشعب ما يأكل طوب
"يا وزراء طفوا التكييف .....مش لاقيين حق الرغيف"
فى جمعة النصر ردد ثوار 25 يناير:
"الشعب خلاص ...........اسقط النظام"
"دلعوة يادلعوة ...ومبارك شعبة خلعه"
"افرح افرح يا شهيد.. النهارده يوم العيد"
"يا دستور يا دستور.. خلى بلدنا تشوف النور"
"دم الشهدا يا شفيق.. إنت منه مش برىء"
"يا جمال قول لابوك كل الشعب بيكرهوك"
''ثورة مصر جاية جاية بالعدالة والحرية''
''خالد سعيد مات مقتول ومبارك هو المسئول'
''حكم 30 سنة في هذا العصر هو إهانة للشعب مصر''.
''لا لقانون الطوارئ وتزوير الانتخابات''
''واحد.. اتنين.. الشعب راح فين''
''ارفع صوتك زى الناس.. إحنا كرهنا الظلم خلاص''
''صحي الخلق وهز الكون.. مصر بلدنا مش هتهون''
''يا أهالينا يا أهالينا.. ضمو علينا ضمو علينا''.
''ثورة ثورة حتى النصر.. ثورة فى كل شوارع مصر''
''يا أبو دبورة ونسر وكاب.. إحنا إخواتك مش إرهاب''
''بطل تمشى جنب الحيط.. أصل سكاتك مش هيفيد''
''حرية أهالينا عايزين نخلص من بلاوينا''
''كفاية ارحلوا عنا.. الحزب الوطنى خربها'
''يا وزراء طفوا التكييف مش لاقيين حق الرغيف'
''والإصلاح بقي شيء مطلوب قبل الشعب ما يأكل طوب''
''بالطول بالعرض هنجيب النظام الحاكم الأرض''
''اصحوا وفوقوا يا مصريين.. مش هنقول للظلم آمين''
''الطلاب ويا العمال.. ضد الفقر والاحتلال''
''يا وزير داخلية مصر.. الحرية لشرفاء مصر''
''ثورة ثورة يا مصريين على حزب المجرمين.
''ثورة ثورة حتى النصر.. ثورة في تونس وفي مصر'
'حد أدنى للأجور قبل ما الشعب يثور''
اصحي يا شعب وقوم من النوم وخد حقك من ده اليوم
احلف بسماها وبترابها الحزب الوطنى الخربها
يا حرية فينك فينك امن الدولة بينا وبينك
يا ثوار يا ثوار الداخلية وزيرها حمار
يا سوزان يا سوزان لبسى مبارك فستان
عبدالناصر ..قوم و شوف حسني خاين عل المكشوف
«حكم الأب ( باطل).. حكم الأم (قرينة مبارك) باطل.. حكم الابن باطل»
بن على بيناديك.. فندق جدة مستنيك»
حسنى بيه يا حسنى بيه كيلو اللحمة ب 100
الشعب و الجيش ايد واحدة الشعب
ارحل، يعني امشي...يمكن ما بيفهمشي
حط محمد جنب حنا ترجع مصر تاني جنة
يا برادعي يا عميل تحكم مصر ده مستحيل
يا سوزان قولى للبية ربع قرن كفاية علية
يا مبارك يا خسيس دم المصرى مش رخيص
شيلو ميارك وحطو خروف يمكن يحكم بالمعروف
مبيفهمش عربي.. كلموه بالعبري
آخر طلعة جوية لازم تكون ع السعودية
اعتصام اعتصام حتى يرحل النظام
«يا مشير يا مشير.. إحنا ولادك فى التحرير»
«هو يمشى.. مش هنمشى
'ارفع صوتك زى الناس.. إحنا كرهنا الظلم خلاص''
تحيا مصر .. تحيا مصر
عيش .. حرية .. كرامة إنسانية( عيش = رغيف العيش)
حرية .. حرية .. حرية .. حرية
مش هنخاف مش هنطاطي .. إحنا كرهنا الصوت الواطي
شعب تونس يا حبيب .. شمس الثورة مش هتغيب
بالروح بالدم .. نفديك يا وطن
واحد اتنين .. احنا المصريين
لما شعب تونس قام .. هرب اللص والمدام
حد أدنى للأجور .. قبل الشعب ما كله يثور
حقي ألاقي شغل وأعيش .. والملاليم ما بتكفيش
يلا يا مصري صحي الروح .. الحرية باب مفتوح
يللا يا شعب عدّي الخوف .. خلي الدنيا تصحى تشوف
شعب حضارة ومجد سنين .. مش هيطاطي ليوم الدين
راجعين راجعين...يا بلدنا مش خايفيين
جايين جايين...يا بلدنا نوفى الدين
بالروح بالدم.......نفديك يا وطن
المحدود الدخل يموت..ولا ينادى بعلو الصوت
يلا يا شعب عدى الخوف....خلى الدنيا تصحى تشوف
شعب حضارة ومجد سنين...مش هيطاطى ليوم الدين
تونس تونس شرفتينا .......للكرامة ورجعتينا
ثورة ثورة مفيش رجوع ......ضد الفقر وضد الجوع
على وعلى وعلى الصوت.....اللى يهتف مش هيموت
....على وعلى وعلى كمان.....من اجل حقوق الانسان
ياابن على قول لمبارك....مين فى الشعب المصرى اختارك
يابن على قول لمبارك ....جدة جدة فى انتظارك
الحرية ..ويرد الناس ... لازم
التغيير ... لازم
تنفيذ مطالبنا .... لازم
أجور عاملين ... الف ومتين
...فترة رئاسية ... فترتين
عنك ياحبيب .. مش ساكتين
ياوزير داخلية ... بره
ياوزير تعذيب .. بره
ياوزير داخلية .. بره
غلي السكر غلي الزيت بكره نبيع عفش البيت
اه يا حكومه هز الوسط بكره العيش نجيبه بالقسط
يا مبارك يا مبارك السعوديه في انتظارك
السعوديه مش بعيد بتلم الخونه والعبيد
يا علاء قول لبابا انت بتسرق ف الغلابه
يا جمال يا ابو فريده ابوك خلانا ع الحديده
يا مبارك قول لابنك لما تشوف حلمة ودنك
اللي بيضرب اهله وناسه يبقي عميل من ساسه لراسه
حاصروا العدو متحصروناش يلي بعتوا بلدنا بلاش
قوم يا شعب و قول الحق.....قول للظالم مرة لأ
بسم الله .. الله أكبر...
يسقط يسقط حسني مبارك
يسقط يسقط حسني مبارك
مبارك يا مبارك
الطيارة في انتظارك
# # #
قوم يا مصري أمحي عارك
...يسقط يسقط حسني مبارك
أجور عاملين ... الف ومتين
...فترة رئاسية ... فترتين
عنك ياحبيب .. مش ساكتين
تونس تونس شرفتينا .......للكرامة ورجعتينا
ولم تغب خفة ظل الشعب المصرى حتى وسط المظاهرات :
- لافتة لشاب شعره طويل " ارحل بقه خلينى اروح احلق شعرى "
- لافته لرجل " ارحل بقه ايدى وجعتنى "
- لافته لرجل " ارحل.. خلينى اروح لمراتى وحشتنى "
- لافته لشاب " مبارك لو كان عفريت..كان زمانه انصرف "
ليست هناك تعليقات:
إرسال تعليق